အွန်လိုင်းမှာတွေ့ဆုံပြီး အပြင်မှာ လူချင်းမတွေ့ဖူးပေမဲ့ လက်ထပ်ဖို့ စီစဥ်နေကြတဲ့ အသက် 20 နှစ်အရွယ်အမျိုးသမီးနဲ့ အသက် 77 နှစ်အရွယ်အဘိုး

အင်္ဂလန်နိုင်ငံမှ အသက် 77 နှစ်အရွယ် David နဲ့ အသက် 20 နှစ်အရွယ် Joe တို့ဟာ အွန်လိုင်းပေါ်တွေ့ဆုံပြီး တွဲတာ 18 လကျော်ရှိပြီဖြစ်ကာ ယခုမင်္ဂလာဆောင်ရန် စီစဉ်လျက်ရှိပါတယ် ။ သူတို့နှစ်ယောက်က အပြင်မှာ လူးချင်း တစ်ခါမှမတွေ့ဖူးပါဘူး ။ နှစ်ယောက်စလုံးက ချိန်းတွေ့တဲ့ ဆိုဒ်များမှတဆင့် တစ်ယောက်နဲ့တစ်ယောက် သိလာကြပြီး ထိုအချိန်မှာ Joe က သူမရဲ့ ပညာသင်စရိတ်ကို ပံ့ပိုးပေးမဲ့ လူငယ်တစ်ဦးကို ရှာဖွေနေပါတယ် ။ အငြိမ်းစားအမျိုးသား David ကတော့ အထီးကျန်နေချိန်မှာ စကားပြောရန် ချစ်သူကို ရှာနေတာပါ ။ အစမှာ သူမက လန်ဒန်မှာ နေထိုင်တဲ့ ကျောင်းသူတစ်ဦးအဖြစ် ဟန်ဆောင်ပြီး ပရိုဖိုင်တစ်ခုကို ဖန်တီးခဲ့ပါတယ် ။

ဒါပေမယ့် တကယ်တော့ သူမဟာ မြန်မာနိုင်ငံမှာ နေထိုင်တာပါ ။ David က လန်ဒန်မှာနေထိုင်တဲ့ အမျိုးသမီးငယ်များကိုသာ ကြည့်ရှုရန် ရွေးချယ်ခဲ့ဒါကြောင့် ဒီလိုနဲ့ လင်မယားနှစ်ယောက် တစ်ယောက်ကိုတစ်ယောက် သိလာခဲ့ကြပါတယ် ။ David က 1980 ခုနှစ်များမှာ လက်ထပ်ခဲ့သော်လည်း သားသမီးမရှိခဲ့ပါ ။ ထို့နောက် သူက ဆယ်စုနှစ်များကြာအောင် အမျိုးသားကောင်းအဖြစ် ရှိနေခဲ့ပါတယ် ။

ထို့ကြောင့် သူက လူများကိုသိဖို့ ချိန်းတွေ့တဲ့ဆိုဒ်များကို သွားရန် ကြိုးစားခဲ့ပါတယ် ။ David က တခြားသူတွေထက် ပိုထူးခြားတာကြောင့် နွေးထွေးပြီး ချစ်စရာကောင်းတဲ့ Joe ကို ရွေးချယ်ဖို့ သဘောတူခဲ့ပါတယ် ။

ရက်သတ္တပတ်အနည်းငယ်ကြာ စကားပြောပြီးနောက် David က လန်ဒန်ရှိဘဝအကြောင်း Joe ကို စတင်မေးမြန်းခဲ့ပါတယ် ။ ဖိအားများစွာအောက်မှာ သူမက မြန်မာနိုင်ငံမှာ အမှန်တကယ်ရှိကြောင်း ဝန်ခံခဲ့ပြီး တစ်ယောက်နဲ့တစ်ယောက် နေ့တိုင်းစကားပြောကြတဲ့အတွက် နှောင်ကြိုးနဲ့ အချစ်ကို ဖြစ်ပေါ်စေခဲ့ပါတယ် ။

“သူမရဲ့မြန်မာ့ယဉ်ကျေးမှုနဲ့ သူမရဲ့ဘာသာတရားက ကျွန်တော့်အတွက် အရမ်းစိတ်ဝင်စားဖို့ကောင်းပါတယ်။ ဒါကြောင့် သူမ လန်ဒန်မှာ မရှိဘူးလို့ ပြောပါတယ်။ အဲဒါက ကျွန်တော့်အတွက် ဘာမှမထူးခြားပါဘူး” လို့ David က ပြောကြားခဲ့ပါတယ် ။

အခုဆို တစ်နှစ်ကျော်ပါပြီ ။ သူတို့ကြားက အချိန်ဟာ ခြောက်နာရီကွာပေမယ့် David နဲ့ Joe တို့ နေ့တိုင်း စကားတွေ ပြောဖြစ်ကြသေးပါတယ် ။

ဒါပေမဲ့ သူတို့နှစ်ဦးက အပြင်မှာတစ်ကြိမ်မျှ မတွေ့ဖူးတာက မြန်မာနိုင်ငံမှာ အခြေအနေ သိပ်မကောင်းတာကြောင့်ဖြစ်ပါတယ် ။ ဒါပေမဲ့ Joe က နိုင်ငံမှထွက်ခွာရန် ဗီဇာနဲ့ နိုင်ငံကူးလက်မှတ်ရနိုင်တဲ့အခါမှ မျက်နှာချင်းဆိုင်တွေ့ဆုံပြီး လက်ထပ်နိုင်ဖို့ မျှော်လင့်နေပါတယ် ။

JRose (KB Chimmy One)

Reference : khaosod

crd