အာဖဂန်မှာ အမေရိကန်တပ်တွေရုပ်သိမ်းရေးဆုံးဖြတ်ချက်ပေါ် Biden ရပ်တည်

အာဖဂန်နစ္စတန်ကနေ အမေရိကန်တပ်တွေ ရုပ်သိမ်းတဲ့ ဆုံးဖြတ်ချက် အပေါ်မှာ အတိအလင်း ရပ်တည်ကြောင်း အမေရိကန် သမ္မတ Joe Biden က ပြောပါတယ်။ အာဖဂန်နစ္စတန် နိုင်ငံကို တာလီဘန်တို့ အပြည့်အ၀ ထိန်းချုပ်ပြီးနောက် ပထမဆုံး လူထုကို ပြောတဲ့ မိန့်ခွန်းမှာ အခုလို ထည့်သွင်း ပြောဆိုခဲ့တာ ဖြစ်ပါတယ်။

အာဖဂန်နစ္စတန်ဆိုင်ရာ အမေရိကန် မစ်ရှင်ဟာ နိုင်ငံတည်ဆောက်ရေး အတွက် မဟုတ်ကြောင်း အမေရိကန် သမ္မတ Bidne က အိမ်ဖြူတော်မှာ တနလာင်္နေ့က ရုပ်သံ မိန့်ခွန်းမှာ ထည့်သွင်း ပြောဆိုပါတယ်။ အာဖဂန်နစ္စတန်ကို အမေရိကန်တွေ သွားရောက်ရတဲ့ အကြောင်းရင်း ဖြစ်တဲ့ အကြမ်းဖက် ဝါဒစွဲ ခြိမ်းခြောက်မှုတွေဟာ အာဖဂန်ကနေ တခြားနိုင်ငံတွေဆီကို ပျံ့နှံ့သွားပြီလို့လည်း သမ္မတက ပြောပါတယ်။

အာဖဂန်နစ္စတန် နိုင်ငံတဝန်း တာလီဘန်တို့ အောင်ပွဲတွေ ရရှိမှုဟာ မှန်းထားတာထက် ပိုပြီး မြန်နေတယ်ဆိုတာကိုလည်း သမ္မတက အသိအမှတ်ပြု ပြောပါတယ်။ အာဖဂန်နစ္စတန် တပ်ဖွဲ့တွေ ပင်လျင် မတိုက်ခိုက်လိုတဲ့ အချိန်မှာ အမေရိကန် တပ်ဖွဲ့တွေက တိုက်ခိုက်ဖို့ ညွှန်ကြားရမယ်ဆိုရင်တော့ ဒါဟာ မှားယွင်းတယ်လို့လည်း သမ္မတ Biden က ပြောပါတယ်။ အာဖဂန် မြို့တော် ကာဘူးလ်ကို တာလီဘန်တွေ ရောက်လာချိန် နိုင်ငံကနေ သမ္မတ Ashraf Ghani ထွက်ခွာသွားပြီး နောက်တနေ့ ဖြစ်တဲ့ တနလာင်္နေ့မှာဘဲ အမေရိကန် သမ္မတ Biden လည်း Camp David ကနေ အိမ်ဖြူတော်ကို ပြန်လာတာ ဖြစ်ပါတယ်။

အာဖဂန်မှာ ရှိတဲ့ အမေရိကန် တပ်ဖွဲ့တွေကို သြဂုတ်လ ၃၁ ရက်နေ့မှာ ရုပ်သိမ်းဖို့ သူ့ရဲ့ ဆုံးဖြတ်ချက်ကို သမ္မတ Biden က တောက်လျှောက် ကာကွယ်ပြောဆိုနေတာပါ။ အာဖဂန် စစ်တပ် အနေနဲ့ သူ့နိုင်ငံကို ကာကွယ် ထိန်းသိမ်းဖို့ ဆန္ဒမရှိရင် ဒါမှမဟုတ်လည်း မထိန်းသိမ်းနိုင်ဘူးဆိုရင်တော့ အမေရိကန် စစ်တပ်က ၁ နှစ် ဒါမှမဟုတ်လည်း ၅ နှစ် ထပ်ပြီး ရှိနေရင်လည်း ဘာမှ ထူးခြားလာမှာ မဟုတ်ဘူးလို့ သမ္မတ Biden က စနေနေ့က ထုတ်တဲ့ ကြေညာချက်မှာ ပြောပါတယ်။ တခြားနိုင်ငံ တခုရဲ့ ပြည်တွင်း ပဋိပက္ခမှာ အမေရိကန် တွေ အဆုံးမရှိ ဆက်ရှိနေဖို့ဆိုတဲ့ ကိစ္စကို သူ လက်မခံနိုင်ဘူးလို့လည်း ပြောပါတယ်။
VOA

ZAWGYI
အာဖဂန်နစ္စတန်ကနေ အမေရိကန်တပ်တွေ ရုပ်သိမ်းတဲ့ ဆုံးဖြတ်ချက် အပေါ်မှာ အတိအလင်း ရပ်တည်ကြောင်း အမေရိကန် သမ္မတ Joe Biden က ပြောပါတယ်။ အာဖဂန်နစ္စတန် နိုင်ငံကို တာလီဘန်တို့ အပြည့်အ၀ ထိန်းချုပ်ပြီးနောက် ပထမဆုံး လူထုကို ပြောတဲ့ မိန့်ခွန်းမှာ အခုလို ထည့်သွင်း ပြောဆိုခဲ့တာ ဖြစ်ပါတယ်။

အာဖဂန်နစ္စတန်ဆိုင်ရာ အမေရိကန် မစ်ရှင်ဟာ နိုင်ငံတည်ဆောက်ရေး အတွက် မဟုတ်ကြောင်း အမေရိကန် သမ္မတ Bidne က အိမ်ဖြူတော်မှာ တနလာင်္နေ့က ရုပ်သံ မိန့်ခွန်းမှာ ထည့်သွင်း ပြောဆိုပါတယ်။ အာဖဂန်နစ္စတန်ကို အမေရိကန်တွေ သွားရောက်ရတဲ့ အကြောင်းရင်း ဖြစ်တဲ့ အကြမ်းဖက် ဝါဒစွဲ ခြိမ်းခြောက်မှုတွေဟာ အာဖဂန်ကနေ တခြားနိုင်ငံတွေဆီကို ပျံ့နှံ့သွားပြီလို့လည်း သမ္မတက ပြောပါတယ်။

အာဖဂန်နစ္စတန် နိုင်ငံတဝန်း တာလီဘန်တို့ အောင်ပွဲတွေ ရရှိမှုဟာ မှန်းထားတာထက် ပိုပြီး မြန်နေတယ်ဆိုတာကိုလည်း သမ္မတက အသိအမှတ်ပြု ပြောပါတယ်။ အာဖဂန်နစ္စတန် တပ်ဖွဲ့တွေ ပင်လျင် မတိုက်ခိုက်လိုတဲ့ အချိန်မှာ အမေရိကန် တပ်ဖွဲ့တွေက တိုက်ခိုက်ဖို့ ညွှန်ကြားရမယ်ဆိုရင်တော့ ဒါဟာ မှားယွင်းတယ်လို့လည်း သမ္မတ Biden က ပြောပါတယ်။ အာဖဂန် မြို့တော် ကာဘူးလ်ကို တာလီဘန်တွေ ရောက်လာချိန် နိုင်ငံကနေ သမ္မတ Ashraf Ghani ထွက်ခွာသွားပြီး နောက်တနေ့ ဖြစ်တဲ့ တနလာင်္နေ့မှာဘဲ အမေရိကန် သမ္မတ Biden လည်း Camp David ကနေ အိမ်ဖြူတော်ကို ပြန်လာတာ ဖြစ်ပါတယ်။

အာဖဂန်မှာ ရှိတဲ့ အမေရိကန် တပ်ဖွဲ့တွေကို သြဂုတ်လ ၃၁ ရက်နေ့မှာ ရုပ်သိမ်းဖို့ သူ့ရဲ့ ဆုံးဖြတ်ချက်ကို သမ္မတ Biden က တောက်လျှောက် ကာကွယ်ပြောဆိုနေတာပါ။ အာဖဂန် စစ်တပ် အနေနဲ့ သူ့နိုင်ငံကို ကာကွယ် ထိန်းသိမ်းဖို့ ဆန္ဒမရှိရင် ဒါမှမဟုတ်လည်း မထိန်းသိမ်းနိုင်ဘူးဆိုရင်တော့ အမေရိကန် စစ်တပ်က ၁ နှစ် ဒါမှမဟုတ်လည်း ၅ နှစ် ထပ်ပြီး ရှိနေရင်လည်း ဘာမှ ထူးခြားလာမှာ မဟုတ်ဘူးလို့ သမ္မတ Biden က စနေနေ့က ထုတ်တဲ့ ကြေညာချက်မှာ ပြောပါတယ်။ တခြားနိုင်ငံ တခုရဲ့ ပြည်တွင်း ပဋိပက္ခမှာ အမေရိကန် တွေ အဆုံးမရှိ ဆက်ရှိနေဖို့ဆိုတဲ့ ကိစ္စကို သူ လက်မခံနိုင်ဘူးလို့လည်း ပြောပါတယ်။
VOA