အင်္ဂါဂြိုလ်ကို ၄၅ ရက်နဲ့ သွားနိုင်မယ့် နည်းပညာကို သိပ္ပံပညာရှင်တွေ ဖန်တီးနေ

သိပ္ပံပညာရှင်တွေက အင်္ဂါဂြိုလ်မှာ လူသားတွေ အခြေချနေထိုင်နိုင်အောင် ကြိုးစားနေကြပါတယ်။ ဒါပေမယ့် လက်ရှိ ဒုံးပျံတွေနဲ့သွားရင် ၇ လလောက်ကြာမှာ ဖြစ်တဲ့အတွက် လူသားတွေ အခြေချနေထိုင်ဖို့ အလှမ်းဝေးနေပါသေးတယ်။ အဲဒီအတွက် NASA က အနည်းဆုံး ကီလိုဂရမ် ၁,၀၀၀ ကို သယ်ဆောင်ပြီး ၄၅ ရက်နဲ့ သွားနိုင်မယ့် နည်းပညာကို ရှာဖွေဖို့ အင်ဂျင်နီယာတွေကို စိန်ခေါ်လိုက်ပါတယ်။

အခုတော့ McGill တက္ကသိုလ်မှ သုတေသန ပညာရှင်တွေက အင်္ဂါဂြိုလ်ကို ၄၅ ရက်ထဲနဲ့ ခရီးသွားနိုင်မယ့် နည်းပ့ညာ အသစ် ၁ ခုကို တွေ့ရှိထားပါတယ်။ ပညာရှင် အဖွဲ့ဟာ အင်္ဂါဂြိုလ်ကို သွားဖို့ ကမ္ဘာပတ်လမ်းကြောင်းက အာကာသယာဉ် ၁ စီးကို ကမ္ဘာကနေ စွမ်းအားပေးဖို့ ၁၀ မီတာ အကျယ်ရှိတဲ့ လေဆာရောင်ခြည်ကို အသုံးပြုမှာ ဖြစ်ပါတယ်။ အဲဒီ လေဆာရောင်ခြည်က အာကာသယာဉ်ကို လျှင်မြန်စွာ မောင်းနှင်နိုင်တဲ့ စွမ်းအားကို ထုတ်လုပ်ပေးနိုင်ပြီး အာကာသယာဉ်ဟာ လေးလံတဲ့ လောင်စာဆီတွေ သယ်ဆောင်စရာ မလိုဘဲ ပေါ့ပါးလျှင်မြန်စွာ ခရီးသွားနိုင်မှာ ဖြစ်ပါတယ်။

ဒီနည်းပညာကို Acta Astronautica ဂျာနယ်မှာ ဖော်ပြထားပြီး တကယ်အောင်မြင်မယ်ဆိုရင် ကုန်ပစ္စည်းတွေနဲ့ အာကာသယာဉ်မှူးတွေကို ရက်တိုတိုနဲ့ အင်္ဂါဂြိုလ်ကို ပို့ဆောင်နိုင်မှာ ဖြစ်ပါတယ်။

Ref : freethink

Crd

10