မြန်မာပြည်က မွတ်ဆလင် ၂,၀၀၀ ပြန်ပို့မယ်လို့ တရုတ်အကြောင်းကြား


Post Views:
20

မြန်မာပြည်က မွတ်ဆလင် ၂,၀၀၀ ပြန်ပို့မယ်လို့ တရုတ်အကြောင်းကြား

တရုတ်နိုင်ငံထဲမှာ အလုပ်လုပ်နေကြတဲ့ မွတ်စလင် ၂,၀၀၀ ကို မြန်မာနိုင်ငံကို ပြန်ပို့ပေးဖို့စီစဉ်နေတယ်လို့ တရုတ်ယူနန်အာဏာပိုင်တွေက မြန်မာဘက်ကို အကြောင်းကြားစာ ပေးပို့လိုက်ပါတယ်။ မြန်မာဘက်က တာဝန်ရှိသူတွေကတော့ ပြန်ပို့ မယ့်သူတွေရဲ့ အချက်အလက်တွေကို အရင်ဆုံးစိစစ်ခွင့်ပေးဖို့ တရုတ်ဘက်ကို အကြောင်းပြန်ကြားထားပါတယ်။ ရန်ကုန်ကပေးပို့ထားတဲ့ ဒီသတင်းကို ကိုအောင်မြတ်သူက တင်ပြပေးထားပါတယ်။

မြန်မာနိုင်ငံဘက်ကနေ တရုတ်နိုင်ငံထဲမှာ အလုပ်သွားလုပ်နေကြသူတွေထဲမှာ မြန်မာနိုင်ငံ အနယ်နယ်အရပ်ရပ်က မွတ်ဆလင်တွေလည်း ပါပါတယ်။ ကိုဗစ်ကပ်ရောဂါကြောင့် တရုတ်နိုင်ငံထဲ အလုပ်မရှိတော့သူတွေကို တရုတ်အစိုးရက နေရပ်ပြန်ဖို့ ဖိအားပေးနေသလို ပြန်ပို့တာတွေလည်းရှိနေပါတယ်။ ဒီလိုအခြေအနေမှာပဲ တရုတ်နိုင်ငံ၊ ယူနန်ပြည်နယ်ထဲမှာရှိနေတဲ့ မြန်မာနိုင်ငံက မွတ်ဆလင် ၂,၀၀၀ ကို ပြန်ပြီးလွှဲပြောင်းပေးမယ်လို့ မူဆယ်မြို့မှာရှိတဲ့ မြန်မာတာဝန်ရှိသူတွေထံကို တရုတ်ဘက်က ဒီရက်ပိုင်းထဲမှာ အကြောင်းကြားခဲ့ပါတယ်။ ဒါဟာ တရုတ်ဘက် ကနေ အလုံးအရင်းနဲ့ ပြန်ပို့ဖို့ စီစဉ်တာ ပထမဆုံးဖြစ်ပါတယ်။ နေရပ်ပြန်ဖို့ဆန္ဒရှိသူတွေကို ပြန်ပို့မှာဖြစ်တယ်လို့တော့ တရုတ်ဘက်ကပေးပို့တဲ့စာထဲမှာ ရေးသားထားပါတယ်။ ပြန်ပို့မယ့်သူတွေနဲ့ပတ်သက်လို့ အချက်အလက်တွေကို အရင်ဦးဆုံး စစ်ဆေးခွင့်ပေးဖို့ မြန်မာဘက်က တရုတ်အာဏာပိုင်တွေကို အကြောင်းပြန်ထားကြောင်း မူဆယ်မြို့နယ် အုပ်ချုပ်ရေးမှူး ဦးဇော်လင်းက ဗွီအိုအေကို ပြောပါတယ်။

“ကျနော်တို့ကတော့ ကိုယ့်နိုင်ငံသားမှန်တယ်ဆိုရင် နိုင်ငံသားမှန်တဲ့သူတွေကို ကိုယ့်နိုင်ငံက ပြန်လည်လက်ခံမယ်၊ နိုင်ငံသား မမှန်တဲ့သူတွေကိုတော့ လက်ခံလို့ အဆင်မပြေဘူး။ သူတို့ကတော့ မွတ်ဆလင် ၂,၀၀၀ ခန့် မြန်မာနိုင်ငံကို ပြန်ချင်တယ်ဆိုပြီး…. ကျနော်တို့ကတော့ လွှဲချင်တယ်ဆိုရင်လွှဲ သက်ဆိုင်ရာ လဝကနဲ့ ဆက်သွယ်၊ လဝက,ကနေ သူတို့စိစစ်မယ်၊ စိစစ်လို့ မှန်တဲ့အပိုင်းရှိတယ်ဆိုရင် ကျနော်တို့လက်ခံမယ်။ မမှန်တဲ့သူကိုတော့ လွှဲမပေးနဲ့။ ဒါ လဝကရဲ့ ဆောင်ရွက်ရမယ့် အပိုင်း ဖြစ်ပါတယ်။”

သူတို့ရဲ့ နာမည်စာရင်းနဲ့ အချက်အလက်တွေကိုပို့ပေးမှပဲ လူစစ်ဆေးတာ၊ ပြန်ပြီးလက်ခံတာ၊ လက်မခံတာ စတဲ့လူဝင်မှုကြီးကြပ်ရေးအပိုင်းက ကိစ္စတွေကို တရုတ် ဘက်ကို အကြောင်းပြန်ထားကြောင်း မူဆယ်မြို့နယ် လဝက,က တာဝန်ရှိသူတဦးက ဗွီအိုအေကို ပြောပါတယ်။

ပြီးခဲ့တဲ့ သုံးပတ်လောက်က ရှမ်းပြည်နယ်မြောက်ပိုင်း မုံးကိုးနဲ့ ပန်ဆိုင်းမြို့နယ်ကြားမှာရှိတဲ့ နယ်စပ်လမ်းကနေ မွတ်ဆလင်အယောက် ၁၀၀ ကျော်ကို တရုတ်က မြန်မာဘက်ကို အသိမပေးဘဲ ပို့ဆောင်ခဲ့ပါတယ်။ ဒီကိစ္စကို ပန်ဆိုင်းရဲစခန်းက အခုအထိ စိစစ်နေကြောင်း ရှမ်းမြောက်ပိုင်းက ပရဟိတအဖွဲ့တခုက ဗွီအိုအေကို ပြောပါတယ်။

“ဟိုဘက်ကနေပြီးတော့ တရားမဝင်လမ်းကြောင်းကနေ ပြန်လွှတ်လိုက်တဲ့ မွတ်ဆလင် ၁၀၀ ကျော်ကို ပန်ဆိုင်းရဲစခန်းက ဖမ်းလိုက်တယ်။ အဲဒီတော့ ထိန်းသိမ်းပြီး စိစစ်တဲ့အခါကျတော့ ဘာသွားတွေ့လဲဆိုတော့ တချို့က မြန်မာနိုင်ငံသားမှန်တဲ့ အထောက်အထား ရှိတယ်တဲ့။ တချို့ကတော့ အထောက်အထား မရှိပါဘူးဆိုပြီး ဒီလိုသွားတွေ့တာ ရှိတာပေါ့နော်။ တရားမဝင်လမ်းကြောင်းကနေ သူတို့က ပြန်လွှတ် တာ၊ ဟင်မိုးတုံရွာနဲ့ မုံကိုးကြားပေါ့နော်၊ အဲဒီနေရာကနေပို့တာ။ ပြန်လွှတ်လိုက်တာပေါ့ဗျာ။ မင်းတို့ပြန်တော့ဆိုတဲ့ ပုံစံမျိုးပေါ့။ အခုလည်း အဲဒီကိစ္စက မပြီးပြတ်သေးဘူးနဲ့ တူပါတယ်။”

ဒီကိစ္စဖြစ်ပြီးတဲ့နောက်မှာ တရုတ်အာဏာပိုင်တွေက မြန်မာဘက်ကို မွတ်ဆလင် ၂,၀၀၀ ပြန်လွှဲပေးမယ်ဆိုပြီး စာနဲ့တရားဝင် အသိပေးလာတာလို့ သူကပြောပါတယ်။ တရုတ်နိုင်ငံထဲမှာ သွားရောက်အလုပ်လုပ်ကိုင်နေကြတဲ့ မွတ်ဆလင်အများစုဟာ အလုပ်အကိုင်အဆင်ပြေကြတဲ့အပြင် တချို့ဆိုရင် လုပ်ငန်းပိုင်ဆိုင်မှုတွေလည်း ရှိကြပါတယ်။ အခုတရုတ်အာဏာပိုင်တွေဘက်က မွတ်ဆလင် ၂၀၀၀ ကို မြန်မာနိုင်ငံ ပြန်ပို့မယ်လို့ ပြောထားတဲ့ထဲမှာ ဘယ်လိုသူတွေကို ပြန်ပို့မှာလဲဆိုတာတော့ အတိအကျ မရှင်းလင်းသေးပါဘူး။

ကိုဗစ်ကပ်ရောဂါစတင်ခဲ့ပြီးနောက် တရုတ်မှာ အလုပ်အဆင်မပြေလို့ မြန်မာနိုင်ငံဘက် ပြန်လာတဲ့သူက ၆ လအတွင်းမှာ ၂၀,၀၀၀ ကျော်ရှိပါတယ်။ တရုတ်ပြည် ကနေ တရားဝင်လွှဲပြောင်းပေးနေတဲ့ မြန်မာနိုင်ငံသားက တရက်ကို အယောက် ၁၅၀ လောက်ရှိပြီး အများစုက ကချင်၊ ရှမ်း၊ ရခိုင်၊ ဗမာတွေပါ။ အခု မွတ်ဆလင် ၂,၀၀၀ ကိုတစုတဝေးတည်း လွှဲပြောင်းပေးမယ်လို့ တရုတ်ဘက်က အသိပေးလာတာက ထူးခြားနေတယ်လို့ ရှမ်းမြောက်အခြေစိုက် ပရဟိတအဖွဲ့တချို့ က ပြောပါတယ်။

သတင်းတွေ အမျိုးမျိုးကြားနေရတဲ့အတွက် စိုးရိမ်မှုတော့ ရှိနေတယ်လို့ ယူနန်ပြည်နယ်ထဲက မွတ်ဆလင်တချို့က ဗွီအိုအေကို ပြောပါတယ်။

“သိတဲ့သူတွေတော့ သိတယ်၊ အကုန်လုံးတော့ မသိကြဘူး။ ဒါပေမဲ့ အခုဆိုရင်တော့ သိလောက်ပြီ။ ဒီမှာတော့ ပြောမယ်ဆိုရင်တော့ အခက်အခဲတွေတော့ အများကြီး ကျော်ဖြတ်ရတာပေါ့။ ဘာဖြစ်လို့ဆိုတော့ သတင်းတွေကလည်း အဲလိုမျိုးတွေ ကြားရတယ်လေ နောက်ပြီးသူတို့ကလည်း တရားဝင် ကြေညာထားသလို ဖြစ်နေတာလေ။”

တရုတ်ဟာ ကပ်ရောဂါအကြောင်းပြုပြိး မြန်မာနဲ့နယ်စပ်ကုန်သွယ်ရေးကို လိုသလိုထိန်းချုပ်ဖို့ ကြိုးစားနေတယ်လို့ မြန်မာကုန်သည်တွေက သူတို့အမြင်ကို ပြောပါတယ်။ ဒါ့အပြင် စစ်တပ်အာဏာသိမ်းပြီးတဲ့နောက်ပိုင်းမှာ နယ်စပ်ကုန်သွယ်ရေးအကန့်အသတ်တွေတိုးလာလာတာကြောင့် ဒါဟာ နိုင်ငံရေးဖိအားဖြစ်ဖွယ်ရှိတယ်ဆိုပြီး ကုန်သည်တချို့က ယူဆကြပါတယ်။

=============

[[Unicode]]

မြန်မာပြည်က မွတ်ဆလင် ၂,၀၀၀ ပြန်ပို့မယ်လို့ တရုတ်အကြောင်းကြား

တရုတ်နိုင်ငံထဲမှာ အလုပ်လုပ်နေကြတဲ့ မွတ်စလင် ၂,၀၀၀ ကို မြန်မာနိုင်ငံကို ပြန်ပို့ပေးဖို့စီစဉ်နေတယ်လို့ တရုတ်ယူနန်အာဏာပိုင်တွေက မြန်မာဘက်ကို အကြောင်းကြားစာ ပေးပို့လိုက်ပါတယ်။ မြန်မာဘက်က တာဝန်ရှိသူတွေကတော့ ပြန်ပို့ မယ့်သူတွေရဲ့ အချက်အလက်တွေကို အရင်ဆုံးစိစစ်ခွင့်ပေးဖို့ တရုတ်ဘက်ကို အကြောင်းပြန်ကြားထားပါတယ်။ ရန်ကုန်ကပေးပို့ထားတဲ့ ဒီသတင်းကို ကိုအောင်မြတ်သူက တင်ပြပေးထားပါတယ်။

မြန်မာနိုင်ငံဘက်ကနေ တရုတ်နိုင်ငံထဲမှာ အလုပ်သွားလုပ်နေကြသူတွေထဲမှာ မြန်မာနိုင်ငံ အနယ်နယ်အရပ်ရပ်က မွတ်ဆလင်တွေလည်း ပါပါတယ်။ ကိုဗစ်ကပ်ရောဂါကြောင့် တရုတ်နိုင်ငံထဲ အလုပ်မရှိတော့သူတွေကို တရုတ်အစိုးရက နေရပ်ပြန်ဖို့ ဖိအားပေးနေသလို ပြန်ပို့တာတွေလည်းရှိနေပါတယ်။ ဒီလိုအခြေအနေမှာပဲ တရုတ်နိုင်ငံ၊ ယူနန်ပြည်နယ်ထဲမှာရှိနေတဲ့ မြန်မာနိုင်ငံက မွတ်ဆလင် ၂,၀၀၀ ကို ပြန်ပြီးလွှဲပြောင်းပေးမယ်လို့ မူဆယ်မြို့မှာရှိတဲ့ မြန်မာတာဝန်ရှိသူတွေထံကို တရုတ်ဘက်က ဒီရက်ပိုင်းထဲမှာ အကြောင်းကြားခဲ့ပါတယ်။ ဒါဟာ တရုတ်ဘက် ကနေ အလုံးအရင်းနဲ့ ပြန်ပို့ဖို့ စီစဉ်တာ ပထမဆုံးဖြစ်ပါတယ်။ နေရပ်ပြန်ဖို့ဆန္ဒရှိသူတွေကို ပြန်ပို့မှာဖြစ်တယ်လို့တော့ တရုတ်ဘက်ကပေးပို့တဲ့စာထဲမှာ ရေးသားထားပါတယ်။ ပြန်ပို့မယ့်သူတွေနဲ့ပတ်သက်လို့ အချက်အလက်တွေကို အရင်ဦးဆုံး စစ်ဆေးခွင့်ပေးဖို့ မြန်မာဘက်က တရုတ်အာဏာပိုင်တွေကို အကြောင်းပြန်ထားကြောင်း မူဆယ်မြို့နယ် အုပ်ချုပ်ရေးမှူး ဦးဇော်လင်းက ဗွီအိုအေကို ပြောပါတယ်။

“ကျနော်တို့ကတော့ ကိုယ့်နိုင်ငံသားမှန်တယ်ဆိုရင် နိုင်ငံသားမှန်တဲ့သူတွေကို ကိုယ့်နိုင်ငံက ပြန်လည်လက်ခံမယ်၊ နိုင်ငံသား မမှန်တဲ့သူတွေကိုတော့ လက်ခံလို့ အဆင်မပြေဘူး။ သူတို့ကတော့ မွတ်ဆလင် ၂,၀၀၀ ခန့် မြန်မာနိုင်ငံကို ပြန်ချင်တယ်ဆိုပြီး…. ကျနော်တို့ကတော့ လွှဲချင်တယ်ဆိုရင်လွှဲ သက်ဆိုင်ရာ လဝကနဲ့ ဆက်သွယ်၊ လဝက,ကနေ သူတို့စိစစ်မယ်၊ စိစစ်လို့ မှန်တဲ့အပိုင်းရှိတယ်ဆိုရင် ကျနော်တို့လက်ခံမယ်။ မမှန်တဲ့သူကိုတော့ လွှဲမပေးနဲ့။ ဒါ လဝကရဲ့ ဆောင်ရွက်ရမယ့် အပိုင်း ဖြစ်ပါတယ်။”

သူတို့ရဲ့ နာမည်စာရင်းနဲ့ အချက်အလက်တွေကိုပို့ပေးမှပဲ လူစစ်ဆေးတာ၊ ပြန်ပြီးလက်ခံတာ၊ လက်မခံတာ စတဲ့လူဝင်မှုကြီးကြပ်ရေးအပိုင်းက ကိစ္စတွေကို တရုတ် ဘက်ကို အကြောင်းပြန်ထားကြောင်း မူဆယ်မြို့နယ် လဝက,က တာဝန်ရှိသူတဦးက ဗွီအိုအေကို ပြောပါတယ်။

ပြီးခဲ့တဲ့ သုံးပတ်လောက်က ရှမ်းပြည်နယ်မြောက်ပိုင်း မုံးကိုးနဲ့ ပန်ဆိုင်းမြို့နယ်ကြားမှာရှိတဲ့ နယ်စပ်လမ်းကနေ မွတ်ဆလင်အယောက် ၁၀၀ ကျော်ကို တရုတ်က မြန်မာဘက်ကို အသိမပေးဘဲ ပို့ဆောင်ခဲ့ပါတယ်။ ဒီကိစ္စကို ပန်ဆိုင်းရဲစခန်းက အခုအထိ စိစစ်နေကြောင်း ရှမ်းမြောက်ပိုင်းက ပရဟိတအဖွဲ့တခုက ဗွီအိုအေကို ပြောပါတယ်။

“ဟိုဘက်ကနေပြီးတော့ တရားမဝင်လမ်းကြောင်းကနေ ပြန်လွှတ်လိုက်တဲ့ မွတ်ဆလင် ၁၀၀ ကျော်ကို ပန်ဆိုင်းရဲစခန်းက ဖမ်းလိုက်တယ်။ အဲဒီတော့ ထိန်းသိမ်းပြီး စိစစ်တဲ့အခါကျတော့ ဘာသွားတွေ့လဲဆိုတော့ တချို့က မြန်မာနိုင်ငံသားမှန်တဲ့ အထောက်အထား ရှိတယ်တဲ့။ တချို့ကတော့ အထောက်အထား မရှိပါဘူးဆိုပြီး ဒီလိုသွားတွေ့တာ ရှိတာပေါ့နော်။ တရားမဝင်လမ်းကြောင်းကနေ သူတို့က ပြန်လွှတ် တာ၊ ဟင်မိုးတုံရွာနဲ့ မုံကိုးကြားပေါ့နော်၊ အဲဒီနေရာကနေပို့တာ။ ပြန်လွှတ်လိုက်တာပေါ့ဗျာ။ မင်းတို့ပြန်တော့ဆိုတဲ့ ပုံစံမျိုးပေါ့။ အခုလည်း အဲဒီကိစ္စက မပြီးပြတ်သေးဘူးနဲ့ တူပါတယ်။”

ဒီကိစ္စဖြစ်ပြီးတဲ့နောက်မှာ တရုတ်အာဏာပိုင်တွေက မြန်မာဘက်ကို မွတ်ဆလင် ၂,၀၀၀ ပြန်လွှဲပေးမယ်ဆိုပြီး စာနဲ့တရားဝင် အသိပေးလာတာလို့ သူကပြောပါတယ်။ တရုတ်နိုင်ငံထဲမှာ သွားရောက်အလုပ်လုပ်ကိုင်နေကြတဲ့ မွတ်ဆလင်အများစုဟာ အလုပ်အကိုင်အဆင်ပြေကြတဲ့အပြင် တချို့ဆိုရင် လုပ်ငန်းပိုင်ဆိုင်မှုတွေလည်း ရှိကြပါတယ်။ အခုတရုတ်အာဏာပိုင်တွေဘက်က မွတ်ဆလင် ၂၀၀၀ ကို မြန်မာနိုင်ငံ ပြန်ပို့မယ်လို့ ပြောထားတဲ့ထဲမှာ ဘယ်လိုသူတွေကို ပြန်ပို့မှာလဲဆိုတာတော့ အတိအကျ မရှင်းလင်းသေးပါဘူး။

ကိုဗစ်ကပ်ရောဂါစတင်ခဲ့ပြီးနောက် တရုတ်မှာ အလုပ်အဆင်မပြေလို့ မြန်မာနိုင်ငံဘက် ပြန်လာတဲ့သူက ၆ လအတွင်းမှာ ၂၀,၀၀၀ ကျော်ရှိပါတယ်။ တရုတ်ပြည် ကနေ တရားဝင်လွှဲပြောင်းပေးနေတဲ့ မြန်မာနိုင်ငံသားက တရက်ကို အယောက် ၁၅၀ လောက်ရှိပြီး အများစုက ကချင်၊ ရှမ်း၊ ရခိုင်၊ ဗမာတွေပါ။ အခု မွတ်ဆလင် ၂,၀၀၀ ကိုတစုတဝေးတည်း လွှဲပြောင်းပေးမယ်လို့ တရုတ်ဘက်က အသိပေးလာတာက ထူးခြားနေတယ်လို့ ရှမ်းမြောက်အခြေစိုက် ပရဟိတအဖွဲ့တချို့ က ပြောပါတယ်။

သတင်းတွေ အမျိုးမျိုးကြားနေရတဲ့အတွက် စိုးရိမ်မှုတော့ ရှိနေတယ်လို့ ယူနန်ပြည်နယ်ထဲက မွတ်ဆလင်တချို့က ဗွီအိုအေကို ပြောပါတယ်။

“သိတဲ့သူတွေတော့ သိတယ်၊ အကုန်လုံးတော့ မသိကြဘူး။ ဒါပေမဲ့ အခုဆိုရင်တော့ သိလောက်ပြီ။ ဒီမှာတော့ ပြောမယ်ဆိုရင်တော့ အခက်အခဲတွေတော့ အများကြီး ကျော်ဖြတ်ရတာပေါ့။ ဘာဖြစ်လို့ဆိုတော့ သတင်းတွေကလည်း အဲလိုမျိုးတွေ ကြားရတယ်လေ နောက်ပြီးသူတို့ကလည်း တရားဝင် ကြေညာထားသလို ဖြစ်နေတာလေ။”

တရုတ်ဟာ ကပ်ရောဂါအကြောင်းပြုပြိး မြန်မာနဲ့နယ်စပ်ကုန်သွယ်ရေးကို လိုသလိုထိန်းချုပ်ဖို့ ကြိုးစားနေတယ်လို့ မြန်မာကုန်သည်တွေက သူတို့အမြင်ကို ပြောပါတယ်။ ဒါ့အပြင် စစ်တပ်အာဏာသိမ်းပြီးတဲ့နောက်ပိုင်းမှာ နယ်စပ်ကုန်သွယ်ရေးအကန့်အသတ်တွေတိုးလာလာတာကြောင့် ဒါဟာ နိုင်ငံရေးဖိအားဖြစ်ဖွယ်ရှိတယ်ဆိုပြီး ကုန်သည်တချို့က ယူဆကြပါတယ်။

Crd