■နှစ်ပေါင်း ( ၁၀၀ ) ကြာတဲ့အထိ လောင်စာဆီ ဖြည့်စရာမလိုပဲ မောင်းနိုင်တဲ့ မော်တော်ကား

ယနေ့ခေတ် ကမ္ဘာကြီးဟာ လိုက်မမှီနိုင်လောက်အောင် သိပ္ပံ နည်းပညာတွေနဲ့ တစ်ရှိန်ထိုး တိုးတက်နေတာကို အားလုံးလည်း သိကြမှာပါ ။ဒီလို ဆန်းပြားလွန်းတဲ့ နည်းပညာတွေထဲမှာမှ အချိန်အတော်ကြာတဲ့အထိ လောင်စာဖြည့်စရာမလိုပဲ မောင်းနိုင်တဲ့ ကားတစ်စီးကို သိပ္ပံပညာရှင်တွေကတီထွင်လိုက်နိုင်ပါတယ် ။ ဘယ်လို ထူးဆန်းတဲ့ လုပ်ဆောင်ချက်တွေ ဒီကားထဲမှာ ပါဝင်နေလဲဆိုတာ အတူ ကြည့်လိုက်ရအောင်နော် ။

အခု ပြောပြမယ့် ကားရဲ့ နာမည်ကတော့ Thorium powered car လို့ အမည်ပေးထားပြီး Laser Power System ( LPS ) ကုမ္ပဏီကနေ ဖန်တီးထားတာလည်း ဖြစ်ပါတယ် ။ဒီကားရဲ့ ထူးခြားချက်ကတော့ နှစ်ပေါင်း ( ၁၀၀ ) ကြာတဲ့အထိ လောင်စာဖြည့်စရာ မလိုပဲ မောင်းနှင်နိုင်တာ ဖြစ်ပါတယ် ။ဒါပေမယ့် အခုလိုမျိုး ကားကို မောင်းနှင်နိုင်ဖို့အတွက် လောင်စာအနေနဲ့ Thorium ဆိုတဲ့ လောင်စာကို လိုအပ်ပါတယ် ။

Thorium ဆိုတာကမ္ဘာပေါ်ကအထူထပ်ဆုံးသတ္ထုတစ်မျိုးဖြစ်ပြီးရေဒီယိုသတ္တိကြွဒြပ်စင်တစ်မျိုးလည်း ဖြစ်ပါတယ် ။Thorium ဆိုတဲ့အမည်ကို ဒဏ္ဍာရီထဲက မိုးကြိုးနတ်ဘုရား Thor ရဲ့ နာမည်ကို ယူပြီး ပေးထားတာပါ ။ သေးငယ်တဲ့Thorium အစိတ်အပိုင်းလေးတစ်ခုဟာ သူနဲ့ အရွယ်အစားတူတဲ့ ကျောက်မီးသွေးထက် စွမ်းအင် အဆပေါင်း သိန်း နှစ်ဆယ်ကျော်လောက် ထုတ်လုပ်နိုင်ပါတယ်တဲ့ ။

Laser Power Systems ရဲ့ CEO ဖြစ်တဲ့ Charles Stevens ရဲ့ ပြောကြားချက်အရ Thorium ဒြပ်စင် တစ်ဂရမ်ဟာဓာတ်ဆီ လီတာပေါင်း ၂၈၀၀၀ လီတာက ထုတ်တဲ့ စွမ်းအားနဲ့ ညီမျှတယ်လို့ ပြောပြထားပါတယ် ။ နောက်ပြီး Thorium ဒြပ်စင်ရဲ့ ၈ ဂရမ်လောက်ကို သုံးလိုက်မယ်
ဆိုရင် ကားတစ်စီးကို တစ်သက်စာနီးပါးလောက် လောင်စာ ဖြည့်စရာမလိုပဲ မောင်းနှင်နိုင်မှာ ဖြစ်တယ်လို့ ဆိုထားပါသေးတယ် ။ဒါပေမယ့်လည်း စျေးကွက်အနေအထားအရ Thoruim ဒြပ်စင်ဟာ လိုအပ်ချက်များစွာ ရှိနေတဲ့အတွက်ကြောင့် ယနေ့အချိန်အထိတော့ လောင်စာ အဖြစ် အသုံးမပြုနိုင်သေးပါဘူး ။ Stevens နဲ့ သူ့အဖွဲ့တွေကတော့ Thorium စွမ်းအင်ဟာ

တစ်နေ့နေ့မှာ ကမ္ဘာကြီးကို အထောက်အကူ ပြုလာနိုင်တယ်လို့ ယုံကြည်လျက် ရှိနေပါသေးတယ် ။
အခုဖော်ပြပေးထားတာကတော့ နှစ်ပေါင်း ( ၁၀၀ ) ကြာတဲ့အထိ လောင်စာမဖြည့်ပဲနဲ့ မောင်းနိုင်တဲ့ ကားအကြောင်းကို ဗဟုသုတအနေနဲ့ ဖော်ပြပေးထားတာပဲ ဖြစ်ပါတယ် ။

crd